Duas interesantes exposicións en Neda

A Casa das Palmeiras de Neda acollerá esta semana exposición por partida doble. Dende o día de onte, martes 4,  a Asociación de Amigos do Arte "As Palmeiras" exhibe os traballos realizados polos seus alumnos e alumnas durante o curso nas clases de pintura que, todas as semanas, se celebraron para nenos e maiores na propia Casa das Palmeiras. Son máis de sesenta obras, en diferentes técnicas como debuxo e pintura, creadas por rapaces dende os cinco anos en adiante. Con entrada libre e gratuíta, poderá visitarse ata o venres en horario de tarde, de 19 a 21 horas. A partires do sábado, día 8, cambiarán horarios e compartirán espazo expositivo coa asociación Brosladeiras. Como vén sendo habitual nas últimas dúas décadas, a entidade dará a coñecer os traballos de bordado realizados polas súas alumnas tamén durante o curso. Dende xogos de berce ata sábanas ou mantelería. Auténticas obras de arte. Inaugurarán o venres pola tarde e, durante sábado e domingo, tanto Brosladeiras como Asociación de Amigos do Arte "As Palmeiras", tentarán coincidir os horarios de apertura coa celebración do Mercado Medieval. De mañá, de 11 a 13,30 horas e, de tarde, de 17 a 20 horas.